Content uploaded by Stephen Prongo
Author content
All content in this area was uploaded by Stephen Prongo on Oct 19, 2022
Content may be subject to copyright.
International Journal of Research Studies in Education
2022 Volume 11 Number 15, 97-110
© The Author(s) / Attribution-NonCommercial-NoDerivs CC BY-NC-ND
Pagsusuri sa daigdig ng twitter: Isyung politikal na
nakapaloob sa mga memes
Asis, Jona D.
Leyte Normal University, Philippines (asisjona659@gmail.com)
Cuayzon, Jobert B.
Leyte Normal University, Philippines (jobertcuayzon@gmail.com)
Mabini, Princess
Leyte Normal University, Philippines (mabiniprincess12@gmail.com)
Prongo, Stephen
Leyte Normal University, Philippines (prongotpain@gmail.com)
Acala, Michell T.
Leyte Normal University, Philippines (michellet_acala@lnu.edu.ph)
Received: 1 August 2022 Revised: 5 September 2022 Accepted: 4 October 2022
Available Online: 20 October 2022 DOI: 10.5861/ijrse.2022.b034
ISSN: 2243-7703
Online ISSN: 2243-7711
OPEN ACCESS
Abstract
Many people use different social media platforms such as twitter to express their views on
political issues. This study was developed with the aim of identifying the elements of political
memes on twitter based on form and type and to know the issues reflected in twitter memes.
The theoretical basis were Information Manipulation Theory and Functional Group
Communication Theory. This is a qualitative study which employed content analysis design.
The researchers collected trending political twitter memes based on the identified time frame
under the study. It emerged that the forms of political twitter memes are comic meme,
entertainment function meme and parody memes and the types consist support and criticism.
In addition, based on the collected political twitter memes the issues regarding human
behavior, diversity of political views, discrimination and person's ability to lead were
identified. Therefore, the researchers recommend to conduct further study on twitter in
relation to other elements found in internet memes and explore other related variables on
twitter memes other than political issues.
Keywords: Twitter, political issue, comic meme, entertainment function meme, parody meme
Asis, J. D., Cuayzon, J. B., Mabini, P., Prongo, S., & Acala, M. T.
98 Consortia Academia Publishing (A partner of Network of Professional Researchers and Educators)
Pagsusuri sa daigdig ng twitter: Isyung politikal na nakapaloob sa mga memes
1. Introduksiyon
Ang Twitter ay isang sikat na Social Media Platform kagaya ng Facebook, kalimitang ginagamit ito ng mga
tao upang makapagbigay mensahe sa kanilang pamilya, kakilala at kaibigan dito sa Pilipinas o maging sa ibang
bansa. Sa Twitter ay maaaring ipabatid ang iyong nararamdaman sa pamamagitan ng pag-tweet o pag-post. Isa
ang Twitter sa mga Social Media Platform na ginagamit ng mga tao sa pagpapahayag ng kani-kanilang hinanaing
halimbawa na rito ang politikal na pananaw. Ginagamit ng mga tao ang twitter dahil malaya itong tinatanggap
ang mga salita o aksyon na ginagamit sa pagpost hindi kagaya sa ibang social media platform katulad ng
Facebook, Instagram, at YouTube na tinatanggal o narereport ang mga post na may hindi kaaya-ayang nilalaman.
Nabanggit sa Help Center ng twitter na:
“Ang mga tao ay pinapayagan na mag-post ng kahit anong paksa kabilang na ang mga paksang
nakakasira sa pagkatao, karahasan, sexual at iba pang mga paksa.”
Madali rin ditong malaman kung ano ang trending o ang mga patok na memes gamit ang Hashtag (#).
Binanggit ni Hamdi (2020), na ang Hashtag ay ang susi sa Twitter upang malaman at hanapin ang mga patok o
trending sa mundo ng twitter o ang mga post ng ibang tao sa buong Pilipinas o maging sa buong mundo. Ang
Hashtag ay nakatutulong sa mga taong naghahanap ng impormasyon sa Twitter. Isa ito sa natatanging katangian
ng twitter na wala sa ibang social media sites. Ngayong nalalapit na ang eleksiyon marami na ang makikitang
post sa iba’t ibang p katulad ng twitter na nagpapahiwatig ng kanilang politikal na pananaw sa pamamagitan ng
ibinabahaging nilang twitter memes upang suportahan o di kaya batikusin ang isang taong tumatakbo para sa
halalan.
Ayon kay Milosavljević (2020), ang paggamit ng memes sa politika ay maaring tingnan mula sa dalawang
pananaw. Sa isang banda, ang paraan ng pamamahayag na ito ay ginagamit, katulad ng tradisyunal na advertising,
para sa kapakanan ng pagtataguyod ng mga pampulitikang figyur o ideya. Sa kabilang banda, may mga
makabuluhang bilang ng memes na nilikha ng mga gumagamit ng internet na nakakatawa o kritikal na
nagpapahayag ng kanilang mga saloobin sa mga pampulitikang penomena, ideya at figyur.
Ang bawat isa ay may kanya-kanyang pananaw sa bawat bagay, halimbawa na ngayong papalapit na ang
halalan. May pagkakataon na ang magkakaibigan at pamilya ay nagbabangayan dahil sa magkaiba ang kanilang
polikal na pananaw. Nabanggit ni Arao (2016) na:
“Ang madadamdaming bangayan ng magkakaibigan ay bunga ng kolektibong pagnanais ng
pagbabago ng bansa sapagkat ang mga Pilipino ay nagnanais ng maayos na pamamahala na
makatutulong sa pagbabago. Kahit ano ang idolohikal o politikal na paniniwala kahit hindi pa
rehestrado ay alam ang mga problema na nagaganap sa ating lipunan.”
Marami ang kumakalat na impormasyon sa halos lahat ng Social Media Platform kagaya ng Twitter
patungkol sa politika, ngunit minsan ang mga ito ay walang katotohanan o tinatawag na Fake News. Ayon kay
Pedroche (2018), nang dahil sa makabagong panahon sumulpot ang teknolohiya at magmula nang sumulpot ang
internet at social midya umusbong din ang tinatawag na fake news o ang mga balitang hindi totoo o walang
katotohanan na mga namamayagpag sa sosyal midya platform. Ito ang nangungunang kalaban ng katotohanan na
siyang nakakasira o nakakapinsala sa moralidad ng mga taong gumagamit ng ganitong plataporma. Nakakasira
ito dahil ito ay nagdudulot ng galit, poot, at pag-aalitan ng mga mamayan, personal man o may kinalaman sa
politika.
Nang dahil sa paglaganap ng politika sa social media nagagawa nitong manipulahin ang isip ng tao na
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 99
baguhin ang pananaw patungkol sa politika. Madali lang gumawa ng impormasyon na maaring umabot sa mga
tao. Ayon sa Oxford Internet Institute na binanggit sa artikulo ni Lomas (2019), nakita na ang pag mamanipula
na nangyayari sa sosyal midya ay lumala na. Ginagamit ng mga politiko ang sosyal midya sa pag mamanipula sa
opinyon at pananaw ng publiko. Maaari itong maging paraan ng politiko sa pag manipula ng boto ng tao at sa
bandang huli’y magsisisi ang tao dahil taliwas pala sa pinakita ng politiko ang mga sinabi niya sa sosyal midya.
Sa social media marami ang makikitang post na maaring makatulong sa mga tao upang magkaaroon ng
ideya patungkol sa politika dahil marami ang nagbabahagi ng iba’t ibang impormasyon na konektado sa politika
sa pamamagitan ng mga memes. Katulad sa pag-aaral ni Milosavljević (2020), naging pangunahing layunin nila
ang matukoy ang 50 pinaka popular na memes sa bawat araw. Sa kabilang banda hindi lahat ng mga tao ay
magkapareho ang pananaw sa politika, hindi maiwasan na may kumontra sa isang pananaw ang pag-aaral nina
Ching et al. (2021), na naglalayung malaman kung ano ang mga salik na sanhi ng pagkaiba ng mga miyembro ng
pamilya sa politikal na pananaw. Makikita sa social media ang iba’t ibang politikal na pananaw na maaring
maka-impluwensya sa political na pananaw ng mga tao sa pag-aaral nina Ahmad et al. (2019), naging pokus ng
pag-aaral nila ang impluwensiya ng sosyal midya sa mga mag-aaral sa kanilang politikal na pananaw.
Ang mga naunang pag-aaral ay tungkol sa mga popular na memes kung saan naglalayon ding malaman ang
sanhi ng pagkakaiba ng mga miyembro ng pamilya sa politikal na pananaw, at ang impluwensiya ng sosyal
midya sa mga mag-aaral sa kanilang politikal na pananaw. Samantala, ang pag-aaral na ito ay nakapokus sa
pagsusuri sa iba’t ibang twitter memes tungkol sa mga isyung politikal sa Pilipinas at matukoy ang elemento ng
mga political memes sa twitter batay sa anyo at uri nito.
Layunin - Ang layunin ng pag-aaral na ito ay matukoy at masuri ang iba’t ibang memes sa twitter tungkol sa
mga isyung politikal. Magsisilbing tiyak na layunin ang sumusunod: 1) Ano ang elemento ng mga politikal
memes sa twitter batay sa anyo at uri; 2) Ano ang mga isyung politikal na nakapaloob sa mga memes sa twitter?
Saligang Teoretikal - Ang sumusunod ay mga teoryang ginamit ng mga mananaliksik sa pag-aaral na ito:
Inormation Manipulation Theory. Ang mga mapanlinlang na mensahe ay gumagana dahil sila ay lihim na
lumalabag sa mga prinsipyong namamahala sa pamamagitan ng pagpapalit ng usapan. Dahil ang mga
nakikipag-ugnayan sa pakikipag-usap ay nagtataglay ng mga pagpapalagay hinggil sa dami, kalidad, paraan, at
kaugnayan ng impormasyong dapat iharap pomaari itong gawin ng mga tagapagsalita na pagsamantalahan ang
anumang nakasulat o lahat ng mga pagpapalagay na ito sa pamamagitan ng pagmamanipula sa impormasyong
taglay nila upang iligaw ang mga tagapakinig o tagapagbasa. (McCornach, 1992) Dagdag pa sa pag-aaral nina
Vilamer et al. (2018), ang pagmamanipula ng impormasyon ay hindi isang bagong kababalaghan. Ang atensyon
na ito ay kamakailang naakit ay nakatali sa isang kumbinasyon ng dalawang mga kadahilanan: sa isang banda,
ang hindi pa nagagawang kapasidad ng internet at mga social network upang mabilis, kahit na 'virally,' kumalat
ng impormasyon; sa kabilang banda, ang krisis ng kumpiyansa na nararanasan ng ating mga demokrasya, na
nagpapababa ng halaga pampublikong talumpati at umabot pa sa relativize ang mismong paniwala ng
katotohanan.
Ang kaugnayan nito sa pag aaral ay nagpapakita na ang mga memes sa social media kagaya ng twitter ay
nagbibigay ng iba’t ibang pananaw ukol sa pangatwiran, paniniwala at suporta tungkol sa pansariling politikal na
isyu. Sanhi ng mga nakikitang larawan ay na babago ang mga desisyon ng indibidwal patungkol sa mga
pampolitikang bagay o usapin.
Functional Group Communication Theory. Ito ay magkakaugnay na hanay ng mga proposisyon,
pagpapalagay, at pag-aangkin na nagtatangkang ipaliwanag kung paano at bakit nauugnay ang komunikasyon sa
kalidad ng mga desisyong ginagawa ng mga grupo. Ang parehong mga termino o simbolo ay maaaring
nakakalito, walang kahulugan o kahit na hindi katanggap-tanggap sa ibang grupo. Sa isang grupo lalo na sa
social media ay may iba't ibang pananaw sa lipunan, tradisyon, paniniwala at kung ano ang pagkakaiba. Sa
pamamagitan ng social media ay na aapektuhan o nakaka apekto ang ano mang ideya na iyong ibinabahagi sa
Asis, J. D., Cuayzon, J. B., Mabini, P., Prongo, S., & Acala, M. T.
100 Consortia Academia Publishing (A partner of Network of Professional Researchers and Educators)
online platform (Salazar, 2009).
Ang teoryang ito ay ma i-uugnay sa pag aaral, bilang ang mga social media users na kabilang sa iba't ibang
grupo tulad na lamang ng twitter, ito ay tumatalakay sa iba’t ibang usapin, opinion, pananaw at teorya ng mga
taong kabilang sa grupo o kumunidad sa social media ay makakatulong o makaka apekto sa desisyong gagawin
ng isang social media user pa tungkol sa mga isyung kinabibilangan o kinakaharap.
Saklaw at limitasyon - Saklaw ng pag-aaral na ito ang pagsusuri sa mga twitter memes tungkol sa mga
isyung politikal. Nililimitahan ang pag-aaral na ito sa pagtukoy sa iba’t ibang uri ng internet memes na makikita
sa twitter, ang paksa ay tungkol sa mga isyung politikal, at ang memes ay trending o pinakapapolar sa isang araw
mula Pebrero 8, 2022 hanggang May 7, 2022. Napili ng mga mananaliksik ang buwan at araw na ito dahil ayon
kay Patinio (2021), nakasaad sa Comelec Resolution 10695 magsisimula ang pangangampanya ng mga
tumatakbo sa pagka Presidente, Bise-Presidente, Senador at mga Party List Group sa ika-walo ng Pebrero at
matatapos sa ika-pito ng Mayo. Ang mga mananaliksik ay kumuha ng mga pumatok na politikal twitter memes
bawat araw mula ika-walo ng Pebrero hanggang ika-pito ng Mayo. Sa kabuuan nakakuha ng limampo’t siyam
(59) ang mga mananaliksik na konektado sa paksang politikal na pumatok sa twitter at sinuri ang mga ito.
Nilimitahan ng mananaliksik ang pagkuha ng mga internet memes sa loob lamang ng Twitter. Ang mga trending
memes lamang sa loob ng Pilipinas ang kinuha at sinuri.
2. Metodolohiya
Inilahad sa kabanatang ito ang mga pamamaraang ginamit ng mga mananaliksik kabilang ang disenyo ng
pag-aaral, kalahok ng pag-aaral, paraan ng pangangalap ng datos at ang pagpapakahulugan sa mga datos.
Disenyo ng Pag-aaral - Ang pag-aaral na ito ay isang kwalitatibong pananaliksik na ginamitan ng content
analysis. Ang Content Analysis ay ang pagsusuri sa nilalaman ay kapaki-pakinabang sa pagsusuri g isang hanay
ng mga virtual o pandiwang materyales. Sa mundo ng akademiko at negosyo, ang pamamaraan ay inilapat sa
midya analysis, advertising at pananaliksik sa komunikasyon. Sa mga paaralan, ginagamit ng pagsusuri ng
nialalaman upang pag-aralan ang iisang dokumentong eksperto ng mga gawa, larawan at mga ilustrasyon. Ito ay
kapaki-pakinabang din kapag ang isa ay naghahambing ng dalawa o higit pang mga mapagkukunan para sa isang
paksa. Maraming makasaysayang dokumento ang maaring masuri sa pamamaraang ito halimbawa ang aking
pagsususri (Gustafson, 1984). Ang disenyo at pamamaraan na ito ay naangkop sa pag-aaral na isinagawa dahil
ang pananaliksik na ito ay naglalayong malaman o masuri ang iba’t ibang memes sa twitter tungkol sa mga
isyung politikal
Paraan ng pangangalap ng datos - Sa isinagawang pangangalap ng datos, ang sumusunod ay ang mga
naging hakbang ng mga mananaliksik.
Una, ang pagpili at pagtatala ng mga twitter post. Pinili ng mga mananaliksik ang mga pumatok na politikal
internet memes sa twitter at itinala ang lahat ng mga pumatok na politikal internet memes sa twitter mula
Pebrero 8 hanggang Mayo 7, 2022.
Pangalawa, pagsusuri sa mga twitter memes gamit ang Thematic Analysis at Content Analysis. Matapos
piliin at itala ang mga meme, sinuri ng mga mananaliksik ang mga nakalap na pumatok na politikal internet
memes sa twitter gamit ang Thematic Analysis at pinangkat ang mga memes ayon sa anyo at uri nito. Sinundan
naman ito ng pagsusuri gamit ang Content Analysis upang matukoy ang mga nilalaman na anyo at uri ng bawat
internet memes ng mga nakapangkat na memes batay sa tema ng bawat isa.
Pangatlo, ang pagpapakahulugan. Ipinangkat at sinuri ang mga nakalap na politikal internet memes sa
twitter at binigyan ng pagpapakahulugan ng mga mananaliksik ang mga politikal internet memes.
Instrumento ng Pag-aaral - Ang magsisilbing intrumento ng pag-aaral na ito ay mga twitter memes tungkol
sa mga isyung politikal dahil ang twitter ay walang limitasyon at hinahayaang maipahiwatig ng mga gumagamit
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 101
ang kanilang mga hinanaing o nararamdaman hindi katulad sa ibang social media platform na may limitasyon at
pinipili ang paksang dapat pagusapan. Ang mga twitter memes na na kinalap ay pinili batay sa mga sumusunod
na krayterya.
Ang memes ay makikita sa twitter
Ang memes ay tungkol sa politika
Nagtrending o pumatok sa araw ng ika-8 ng Pebrero hanggang Mayo 7, 2022.
Pagbibigay – Interpretasyon ng mga datos - Sa inilathala nina Bloor at Wood (2006), sa artikulo nina
Vaismoradi at Turunen (2013), ang layunin ng Content Analysis ay ang mailarawan lahat ng mga katangian at
nilalaman ng mga dokumento sa pamamagitan ng pagsusuri kung sino ang nagsabi kung ano ang sinabi, at kung
ano ang magiging epekto nito. Sa kabilang banda, ang Thematic Analysis naman ay madalas na nakikita bilang
isang mahinang paraan na pagsusuri, dahil hindi ito kabilang sa mga kilalang paraan ng pagsusuri o metodo ng
pagsusuri, hindi katulad sa paraan na ginagamit sa Content Analysis. Sa kabilang banda, ang Thematic Analysis
naman ay madalas na nakikita bilang isang mahinang paraan na pagsusuri, dahil hindi ito kabilang sa mga
kilalang paraan ng pagsusuri o metodo ng pagsusuri, hindi katulad sa paraan na ginagamit sa Content Analysis.
Unang gagamitin ng mga mananaliksik ay ang Thematic Analysis at susundan naman ng Content Analysis.
Ang sumusunod ay ang nagsilbing hakbang ng mga mananaliksik sa pagsasagawa ng Thematic analysis.
Hakbang 1. Anyo ng politikal memes sa Twitter. Ito ang unang binigyang diin ng mga mananaliksik sa
pagsusuri. Ang mga mananaliksik ay gumamit ng check list sa pagtukoy sa anyo ng politikal memes. Ayon sa
pag-aaral ni Milosavljević (2020), ang mga pumatok na anyo ng internet memes ay ang Comic Meme,
Entertainment Function Meme, at Parody Meme, ito ang naging batayan ng pag-aaral upang pangkatin ang mga
nakalap na twitter memes.
Hakbang 2. Uri ng politikal memes sa Twitter. Ito ang pangalawang binigyang diin ng mga mananaliksik
sa pagsusuri. Ayon sa layunin ang mga uri ng politikal twitter memes ay kalimitang nakatuon sa uring Pabatikos
at Pasuporta. Ang mga mananaliksik ay gumamit ng check list sa pagtukoy sa uri ng politikal memes kung ito
ba ay na aayon sa pasuporta o pabatikos.
Hakbang 3. Isyung politikal na nakapaloob sa mga memes sa twitter. Ito ang pangatlong binigyang-diin ng
mga mananaliksik sa pagsusuri. Tinukoy ng mga mananaliksik ang iba’t ibang isyu na nakapa lob sa mga twitter
posts.
Konsiderasyong Etikal - Sa bahaging ito inilahad ang pagtitiyak ng mananaliksik sa kapakanan ng mga
nagbahagi ng post sa twitter.
Pagtataya sa Panganib at Pakinabang - Sinigurado ng mga mananaliksik na ang mga impormasyong
ipinahayag gamit ang twitter o ang mga twitter memes na nakalap ay gagamitin ng mga mananaliksik para sa
pang-akademikong layunin lamang. Sinigurado ng mga mananaliksik na hindi malalagay sa panganib ang buhay
ng mga nagbahagi ng mga impormasyon sa twitter gamit ang twiiter memes patungkol sa politika.
Pag-unawang Pangnilalaman at Dokumentaryong Hayag na Pahintulot:
Tunguhin. Ang pananaliksik na ito ay naglalayong matukoy ang mga elemento ng politikal memes sa
twitter at malaman ang mga isyung politikal na nakapaloob sa mga politikal twitter memes sa twitter
Dahilan ng imbitasyon. Ang ibinahaging mga memes sa twitter ay nagsilbing instrumento ng
pananaliksik upang matukoy ang mga elemento ng politikal twitter memes batay sa anyo at uri nito at
malaman ang mga isyung politikal na nakapaloob sa mga politikal twitter memes na nagbigay linaw sa
mga gumagamit ng twitter.
Asis, J. D., Cuayzon, J. B., Mabini, P., Prongo, S., & Acala, M. T.
102 Consortia Academia Publishing (A partner of Network of Professional Researchers and Educators)
Pagpili sa mga twitter memes. Ang mga twitter meme ay pinili batay sa sumusunod na
kwalipikasyon: (a) ang memes ay makikita sa twitter, (b) ang memes ay tungkol sa politika, (c)
nagtrending o pumatok sa araw ng ika-8 ng Pebrero hanggang Mayo 7, 2022. Sa pagkalap ng mga
twitter memes kinilala ng mga mananaliksik ang pinagkunan ng mga ito.
Mga Hakbang. Sa tulong ng twitter nakuha ng mga mananaliksik ang mga pumatok na politikal
twitter memes. Sinuri kung ano ang elemento ng mga politikal twitter memes batay sa anyo at uri nito,
nalaman din na ang mga isyung politikal na nakapaloob sa mga politikal twitter memes.
Banta. Ang pananaliksik na ito ay nakatuon sa pagkalap at pagsuri sa mga politikal twitter memes na
nangangahulugan sa pangangalap ng mga impormasyong makukuha lamang sa nasabing social media
platform. Kaya, hindi magbibigay ng kapahamakan o mapapahamak ang mga nagbahagi ng mga
politikal twitter memes dahil ang nilalaman lamang ng twitter memes ang kukunin ng mga
mananaliksik.
Benepisyong Makukuha ng Lipunan. Ang pananaliksik na ito ay pinamagatang “Pagsusuri sa
Daigdig ng Twitter: Isyung Politikal na Nakapaloob sa mga Memes.” Isa sa mga layunin nito ay ang
matukoy ang mga isyung politikal sa mga memes, magkakaroon ng kamalayan ang mga taong
gumagamit ng twitter patungkol sa mga nakalap na isyu, halimbawa isa sa nakalap na isyu ay ang
diskriminasyon, magkakaroon ng ideya ang mga gumagamit ng twitter kung ano ang maaring
maidulot ng diskriminasyon sa isang tao, magkakaroon din ng aksyon ang gobyerno o hakbang upang
sugpuin at mabigyan ng kaakibat na parusa ang sino mang nanglalait sa isang tao.
3. Resulta ng Pagsusuri
Sa kabanatang ito makikita ang paglalahad, pagsusuri, at ang pagpapakahulugan ng mga datos. Tatalakayin
sa bahaging ito ang mga resultang nakalap ng mga mananaliksik.
3.1 Anyo ng Politikal Internet Memes sa Twitter
Ang pag-aaral na ito ay Sa kabanatang ito makikita ang paglalahad, pagsusuri, at ang pagpapakahulugan ng
mga datos. Tatalakayin sa bahaging ito ang mga resultang nakalap ng mga mananaliksik na naglalayong matukoy
ang anyo ng mga isyung politikal sa twitter. Isa ang twitter sa mga Social Media Platform na ginagamit ng mga
tao sa pagpapahayag ng kanilang mga saloobin. Nang pumatok ang internet mas lumaganap ang mga usaping
politika na siyang napapanahon na paksa. Ayon kay Bagares (2019), ang politika ng Pilipinas ay gingawa sa
pampanguluhan, pang-kinatawan, at demokratikong republika, kung saan ang pangulo ang pinuno ng estado at
pamahalaang may iba’t ibang partido. Samakatuwid ang politika sa Pilipinas ay pinamumunuan ng pangulo at
siya ang namamahala sa lahat ng ahensya ng gobyerno sa buong bansa. Nang sumapit ang halalan 2022, ang mga
tumatakbo sa pagkapangulo ang siyang laging laman ng mga internet post na may kinalaman sa iba’t ibang mga
isyu.
Ang mga Internet post o memes ay kinakikitaan ng iba’t ibang anyo na siyang umaakit sa mga mambabasa
na basahin ang mga internet post o memes, ito ay pinapalooban ng mga larawan o mga salita. Ang anyo ay isa sa
mga elemento ng pananaliksik at ito ay nakabatay sa ginawang pananaliksik ni Milosavljević (2020) na kung
saan nakalagay sa kaniyang pananaliksik ang iba’t ibang anyo ng mga Internet memes. Isa ang Twitter sa mga
naging kagamitan sa pagpapahayag ng mga tao ng kanilang hinaing patungkol sa mga politko sa pamamagitan
ng pag-post ng mga internet memes.
Sa pangangalap ng datos ng mga mananaliksik ay nakakuha ng tatlong anyo ng twitter memes ito ay ang
Comic Meme, Entertainment Function Meme, at ang Parody Meme.
Comic Meme. Ito ay isang anyo ng meme na ginagamitan ng mga larawan at salita upang maihatid o
maisalaysay sa mga mambabasa ang nilalaman. Ayon kay Grainer (2004), sa kasaysayan ng comic meme ito ay
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 103
lagiang naglalaman ng mga nakatatawang larawan ngunit ang mga salitang ginagamit ay tagos sa puso ng mga
mambabasa.
Ang mga comic memes na makikita ay naglalaman ng temang paninirang puri sa kapwa. Ipinakikita sa mga
larawang ito ang mga paninira ng mga tao sa mga tumatakbo sa pagkapangulo ng Pilipinas. Katulad na lamang
sa ikatlong larawan sinabi rito na “Kung ang basura ay trash bakit mo inuugali” ito ay nagpapahayag ng
paninirang puri sa taong tumatakbo sa politika. Ayon pa nga sa sinabi ni Mauricio (2018), ang paninirang puri sa
kapwa ay mayroong kaakibat na parusa ayon sa batas na ipinapatupad sa ating bansa. Dagdag pa ng The Asian
Parent na inilathala ni Delas Alas (n.d.), isa sa mga pangkaraniwang resulta ng mga pag-aaway na humahantong
sa korte ay ang pagkakaroon ng kaso ng paninirang puri.
Batay sa pagsusuri, lumalabas na ang paninira sa isang tao kagaya sa isang politiko ay may katumbas na
parusa sa batas ng tao at sa batas ng Diyos na maaring maging dahilan upang mawalan ng mga kaibigan at
humantong sa pagkakakulong.
Entertainment Function Meme. Ito ay isang anyo ng internet meme na gumagamit ng mga larawan ng tao,
hayop, mga bagay at mga salita na makatutulong sa pagpapahayag ng nararamdaman. Ito ang kalimitang
ginagamit ng mga tao sa pagpapahayag sa mga Social Media Platform, katulad ng twitter, layunin nitong aliwin
ang mga mambabasa. Karagdagan, ayon kay Milosavljević (2020), ito ay ang pinakapapular na anyo ng memes
na halos lahat ng tao na gumagamit ng iba’t ibang Social Media Platform ay nakikita ang ganitong anyo, ito rin
ay naglalaman ng mga paksang may kinalaman sa adbertismo at politika.
Ang mga entertainment function meme na makikita ay naglalaman ng temang may kaugnayan sa respeto.
Ipinakikita sa mga larawang ito ang pagkakaiba-iba sa pagpapakahulugan sa salitang respeto, makikita rito ang
pagrespeto sa kapwa, sa opinion ng iba, at sa mga monumento ng mga naunang politiko. Hailimbawa nalamang
sa sinabi ng isang netizen sa ikalawang larawan, “Too much, ang bastos para takpan ang statue ni Mr. Ninoy. I’ll
never respect BBM with his dogs.” Ayon kay Roldan (n.d.), ang kawalan ng respeto ay maaaring sirain ang mga
relasyon, kahit na ang mga tila itinatago sa loob ng maraming taon. Nagsisimulang mararamdaman ang isang
tiyak na kahihiyan sa kalooban at kung paano ang isang pakiramdam ng emosyonal na kawalang-katiyakan ay na
aapektuhan ang iyong panloob pagkatapos makipag-ugnayan sa ibang tao. Ang respeto sa kapwa ay nagsisimula
sa pagtanggap kung sino sila na walang halong masamang intensiyon. Karagdagan, kapag ang isang tao ay
nagbibigay ng respeto, ito rin ay nagbibigay ng tiwala sa iba’ (Ki, 2020).
Batay sa naging resulta ng pagsusuri, ang respeto ay isa sa mga dahilan kung bakit nagkakaroon ng
pagkakaisa dahil sa pagtanggap sa mga politiko na walang halong masamang intensiyon. Sa kabilang banda, ang
kawalan ng respeto ay maaring dahilan ng pagkasira ng isang relasyon, isang halimbawa na rito ay
pagbabangayan ng mga tao dahil sa mga politiko at politikal na isyu.
Parody Meme. Ito ay maihahalintulad rin sa dalawang naunang anyo ng meme na kakikitaan ng mga
larawan ng tao, comic karakter at mga salita ang pagkakaiba lang dito ang parody na anyo ng meme ay mas
kalimitang ginagamitan ng ilang mga eksena sa pelikula at pinapalitan ang mga orihinal na binanggit ng ibang
salita upang makapagbigay-aliw o impormasyon sa mga mambabasa.
Ang mga parody meme na makikita ay naglalaman ng temang panghuhusga. Ipinakikita sa mga larawan ang
panghuhusga ng mga tao sa isang kandidato na tumatakbo sa pagka-pangulo. Ipinakikita rin sa mga larawan ang
pangunguna ng magiging resulta ng eleksyon at hinuhusgahan agad ang mga kandidato para sa halalan 2022
kahit hindi pa alam ang kakayahan nito.
Halimbawa na lamang sa ikalawang larawan, nakalagay dito ang mga salita mula sa isang netizen na “The
best man for the job is a woman”. Hinuhusgahan ng mga tao kung sino ang dapat na manalo sa halalan 2022.
Ayon kay Vanilae (2013), ang panghuhusga ay hindi mabuting pag-uugali, dahil pinagsisinungalingan nito ang
katotohanang ang lahat ay binibigyan ng diyos ng pagkakataong magbago, at ang lahat ay may sari-sariling
Asis, J. D., Cuayzon, J. B., Mabini, P., Prongo, S., & Acala, M. T.
104 Consortia Academia Publishing (A partner of Network of Professional Researchers and Educators)
kakapusan kung sa politika hindi dapat husgahan kaagad ang isang kandidato para sa halalan. Dagdag pa ni
Vanilae (2013), dapat din maunawaan na ang paghusga ay hindi masama sa kanyang sarili. Ito ay
pagdedetermina kung ang isang bagay ay mabuti o masama. Ang bawat isa ay dapat humatol ng tama at pumili
ng naayon sa kanilang puso na alam nilang makatutulong sa pagpapaunlad ng bayan.
Nakita sa pagsusuri na hindi dapat pinangugngunahan o hinuhusgahan ang sarili ng iba o ang isang
politikong nagnanais na maglingkod sa bayan dahil hindi malalaman ang tunay na kakayahan ng isang tao at
hindi malalaman kung ano ang maaring magawa nito sa pagpapaunlad ng bansa. Kinakailanagan na subukan
muna at patunayan ang sarili ng tao at huwag husgahan kaagad. Hayaan na gawin nito ang kanyang mga plano o
subukan muna ang kanyang kakayahan.
3.2 Uri ng politikal internet meme ayon sa layunin
Ang mundo ng internet ay naglalaman ng iba’t ibang usapin, isyu, at marami pang iba katulad na lamang sa
mga internet post. Ang mga internet post ay maaring makita sa kahit anong social media platform kagaya ng
Twitter at Facebook. Ang mga internet post ay mas kilala bilang mga internet memes. Ang internet memes ay
naglalaman ng iba’t ibang uri upang maipabatid sa mga mambabasa o ang mga taong gumagamit ng social media
katulad ng twitter. Kung ang anyo ay naglalarawan o tumutukoy sa hitsura ng memes at anong klase ng memes
ang makikita sa internet, ang uri naman ay siyang tumutukoy sa nilalaman ng isang internet memes ipinapakita
ng uri kung ano ang nilalaman na pahayag ng isang internet memes kagaya ng mga negatibong paglalarawan sa
isang tao na minsan nagiging sanhi ng pagbabangayan ng mga ito.
Ang internet memes ay isa sa mga ginagamit ng mga tao upang maipahiwatig nito ang kanilang mga
nararamadaman patungkol sa politika. Ang uri ng internet memes ay isa sa mga naging elemento ng pananaliksik
na ito sapagkat tinutukoy ng mga mananaliksik kung anong uri ang kinaangkupan ng nasabing internet memes.
Dahil sa ang pananaliksik na ito ay patungkol sa politika at sa halalan isa ang twitter sa mga naging lundayan ng
mga tao sa pagpapahayag ng mga hinanaing gamit ang pagbuo ng internet memes, marami sa twitter ang
nagbabahagi ng mga internet memes na nagalaman ng iba’t ibang uri ng internet memes.
Ang mga karaniwang uri ng internet memes na nakalap ng mga mananaliksik na pumatok sa twitter ay ang
internet memes na naglalaman ng temang Pasuporta at ang internet memes na may temang Pabatikos.
Pasuporta. Ang pasuporta ay isa sa mga uri ng mga internet memes o twitter memes, ito ay nagpapakita
kung paano suportahan ng mga tao ang isang kandidato para sa halalan. Ipinakikita nito ang patuloy na
pag-agapay ng mga tao sa mga kandidato o sa kanilang sinusuportahang politiko. Ayon pa nga kay Delos Reyes
(2021), ngayong panahon ng halalan, pangkaraniwang maririnig natin ang pagsuporta ng isang tao sa isang
personalidad o sa isang kandidato. Sinusuportahan ng mga sektor ng lipunan ang kandidatura ng kung sinong
kandidato sa pamamagitan ng pagbibigay ng pondo kagaya sa pagpapagawa ng mga tarpaulin.
Ang mga pasuportang uri ng mga memes sa twitter ay naglalaman ng temang kayabangan. Ipinapakita rito
ang mga pagyayabang ng mga taong sumusuporta sa isang politiko. Ang pagyayabang ay minsan nakasisira sa
reputasyon para sa sarili, sinusuportahang politiko at maging sa binabatikos na kandidato. Katulad sa sinabi ng
isang netizen sa unang larawan na “Oh try nyo e cancel ang mag asawang ito sige nga! Mga belo Beuty dyan.
Naku-naku kayo din” pinagyayabang nito ang mag asawang Belo dahil sa pagsuporta kay BBM . Ayon pa nga
kay Dholakia (2018), ayaw ng mga tao sa mga mayayabang. Nakikita ng marami ang mayabang bilang etikal at
moral na hinala para sa iba. Marahil ay mas malala pa, minsan ang mayabang ay itinuturing na nagtataglay ng
labis na pagmamataas ng sarili kahit na kumikilos para sa iba. Maaring kang batiin ng mga kakilala mo sa social
media sa tuwing ikaw ay nagyayabang sa social media ngunit hindi maiiwasan ang pagkakaroon ng negatibong
puna para sa iyo. Taliwas naman ito sa ginawang pag-aaral nina Nault at Yap (2020), lumabas sa kanilang
pag-aaral na ang mga kilalang tao na mayabang ay nagbibigay inspirasyon sa iba sa pamamagitan ng
obserbasyon sa ibinabahaging performans na konektado sa impormasyong makatutulong upang maging
matagumpay ang isang organisasyon.
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 105
Lumabas sa pagsusuri, hindi dapat ipagyabang ang sinusportahan politiko kahit na ang layunin ay
makatulong sa kapwa upang makapili ng ibobotong politiko para sa pagkapangulo dahil marami parin ang
magbibigay ng negatibong puna. Nakita rin sa pagsusuri na mas mabuting maging mapagkumbaba dahil mas
marami ang matutuwa at magagalak sa iyong mga ginagawa na maaring maging dahilan upang gayahin o piliin
ang sinusuportahang politiko.
Pabatikos. Ang pabatikos ay isa sa dalawang uri ng internet memes na nakalap ng mga mananaliksik.
Ipinakikita ng uring ito ang pagkakaroon ng negatibong aspetong maaring makapanghina ng kalooban ng isang
tao o indibidwal. Ito ay maaring magtulak sa isang tao na mawalan ng tiwala sa sarili. Ngunit ayon kay
Villalobos (n.d.), ang pagbatikos ay hindi nangangahulugang galit ang nambabatikos sa kanyang binabatikos,
kung malinis ang kanyang hangarin o layunin. Ang hindi maganda ay ang pagbatikos na ang dahilan ay
mababaw lamang at pansarili tulad ng inggit.
Ang mga pabatikos na uri ng internet memes ay naglalaman ng temang pagnanakaw. Ang pagnanakaw ay
isang masamang gawain sa mata ng tao at sa mata ng diyos dahil hindi maganda ang pagkuha ng mga bagay na
hindi natin pagmamay-ari ito ay may kaakibat na parusa sa batas. Ito rin ay maaring maging sanhi ng
pagkalugmok ng isang bansa kung ang manunungkulan sa gobyerno ay magnanakaw. Halimbawa nalamang sa
unang larawan may isang netizen na nag-post na “Ang utak ni leni ay parang wallet ko, may laman ba wallet ko?
Wala.” May nagkomento naman sa post niya ng “nakay BBM laman ng wallet mo mi”. Ipinahihiwatig ng
nagkomento na si BBM ang kumuha ng pera nito. Ayon pa nga kay Huang (2014), tuwing numanakaw ang
gobyerno ng pera, ang Pilipinas ay mas lalong humihirap. Mahihirapan ang publiko lalo na ang mahihirap upang
makapag-aral at marami ang mahihirapan sa paghahanap ng trabaho dahil hindi sila nakapagtapos sa pag-aaral.
Malaki ang magiging epekto nito sa bayan kung ang namumuno ay hindi maganda ang pamamalakad. Dagdag
pa nga ni Lachica (N.d.), ang korapsyon ay ang ginagawang pagnanakaw sa kaban ng bayan ng mga taong ganid
na nakaposisyon sa ating lipunan. Ito ay isang hamon na noon paman ay di pa nasosolusyunan.
Batay sa pagsusuri, lumalabas na ang pagnanakaw ng isang politiko ay maaring maging sanhi ng paglubog
ng isang bansa kung ang namumuno ay mahilig kumuha sa kaban ng bayan para sa kanyang pansariling
kapakanan. Lumalabas din na ang pagnanakaw ay isang hamon na matagal nang hindi nasosolusyunan.
3.3 Iba’t Ibang Isyung Politikal Na Makikita Sa Mga Memes
Ang isyu ay isa sa mga nagiging sanhi na pagpapalitan ng opinyon o ideya, dito nagpapalitan ng mga ideya
ang mga tao na hindi pareho ang pagpapakahulugan sa isang isyu. Sa panahon ng halalan ang mga isyu na
nakapaloob ay patungkol sa mga politikong may tinatagong sekreto o may tinatakpan na kasalanan na mas kilala
bilang isyung politikal. Ayon kay Lomboy (2021), maraming pangyayari sa Pilipinas ang nananatiling nakatago.
Makikita na nakakubli sa bawat sulok ng bansa ang mga isyung panlipunan na nararapat lamang na pagtuunan
ng pansin. Lumalabas na may iba’t ibang boses ng paghihirap, paninikil, pagpatay, diskriminaasyon, hustisya,
korapsyon, pangangamkam, at iba pang uri ng pang-aabuso sa karapatang-pantao.
Ang isyung politikal ay ang mga isyung kinasasangkutan ng mga politiko. Sa kasalukuyan, ang mga isyung
politikal na namamayagpag ay patungkol sa mga korapsyong nagaganap sa isang bansa at ang mga anumalyang
lumalabas tungkol sa pagkatao ng mga politiko. Ang isyung politikal ay hindi nawawala lalo na kung malapit na
ang halalan dahil hinahalungkat ng isang partido ang tinatagong sekreto ng isa pang partido.
Sa pangangalap ng datos ng mga mananaliksik nakita sa mga nternet memes ang iba’t ibang isyung politikal
na nakapaloob sa mga internet memes ito ay ang isyung patungkol sa Pag-uugali ng mga tao, Istilo ng
pakikipagkapwa-tao, Diskriminasyon, at Kakayahan ng isang tao sa paggawa ng batas.
Isyu Patungkol sa Pag-uugali ng mga tao. Ang bawat tao ay may kanya-kanyang pag-uugali may mabait
at mayroon namang may halong kasamaan yung tipong gagawin ang lahat upang masiraan lamang ang kapwa
tao. Sa kabilang marami parin naman ang mga taong may busilak na puso na handang tumulong sa mga
Asis, J. D., Cuayzon, J. B., Mabini, P., Prongo, S., & Acala, M. T.
106 Consortia Academia Publishing (A partner of Network of Professional Researchers and Educators)
nangangailangan. Hindi na bago sa lipunan ang ganitong pangyayari dahil na rin sa paglaganap ng internet dito
nagaganap o nakikita ang mga pag-uugali ng karamihan mas madalas makita ang mga paninira sa pamamagitan
nang paggamit ng social media platform.
Makikita sa mga larawan ng mga internet memes ang mga isyu patungkol sa mga pag-uugali ng mga tao na
may kaugnayan sa politika. Mapapansin sa mga larawan ang iba’t ibang pag-uugali mayroon patungkol sa
pagkayamot, pagmamalaki, at pagmamalinis ng mga ordinaryong tao at mga politiko. Ang mga pag-uugaling ito
ay ilan lamang sa mga pag-uugaling mayroon ang mga tao ang mga ito ay maaring makatulong o makasira ng
pagasasama ng mga tao sa isang lipunan. Makikita sa ikatlong larawan ang pinost ng isang netizen na “There, fixed.
#NagmamaLenis” ipinakikita rito ang isang ugali ng tao na pagmamalinis. Ayon kay Davison (2012), ang
pag-uugali ng isang tao ay naka-ugat sa kanyang kultura. Ang mga memes ay maaaring gamitin sa pagtukoy sa
pag-uugali ng isang indibidwal dahil naging parte na ito ng kultura ng mga tao. Maaring ito’y matutunan o
malaman sa pamamagitan ng mga sariling karanasan at impluwensya ng ibang tao.
Ang pag-uugali ng tao ay nahuhubog sa patuloy na paggamit ng mga Social Media Platform dahil hindi
makontrol ng mga tao ang kanilang mga emosyon na at hindi namamlayang may mga pag-uugali nang nagagaya
ang iba dahil sa kanilang mga nakita, katulad na lamang sa sinabi ni Blackmore (2000), naiimpluwensiyahan ng
memes ang pag-uugali ng mga tao. Ang meme ay isang ideya, pag-uugali, o istilo, na lumalaganap at nagmula sa
isang tao patungo sa iba, maging sa kultura nito.
Batay sa pagsusuri, lumalabas na ang pag-uugali ng isang tao ay naka-ugat sa kanyang kultura. Lumalabas
na ang memes ay maaring gamitin sa pagtukoy sa pag-uuali ng isang indibidwal dahil naging parte na ito ng
kultura ng tao lalo na sa panahon ng halalan na kung saan ang memes ay isa sa mga paraan ng tao sa
pagpapahayag ng kanilang damdamin patungkol sa mga isyung politikal na pumatok sa twitter at marami pang
ibang Social Media Platform.
Isyu Patungkol sa Pagkakaiba-iba ng Politikal na Pananaw. Ang pagkakaiba-iba ng politikal na
pananaw ay nagiging sanhi ng pagbabangayan sa loob at labas ng iba’t ibang Social Media Platform dahil sa
hindi maiiwasan na makasasalubong ng mga taong may iba’t ibang pananaw sa politika na nagiging rason upang
hindi maging madali sa pakikipagkapwa.
Ang mga larawan ay naglalaman ng mga isyung politikal na konektado sa pakikipagkapwa-tao. Marami ang
paraan upang maging matagumpay ang pakikisama o pakikipagkapwa narito ang respeto at pagkakaisa. Sa
tulong ng dalawang ito ang bawat isa ay magkakaroon ng maganda at maayos na pagsasama at makabubuo ng
magandang resulta sa ginawa. Ang pakikipagkapwa ay likas na sa mga Pilipino. Isa rin sa pakikipagkapwa ay
ang panghihikayat katulad nalamang sa makikita sa ikatlong larawan na nagsasabing “Its not too LEYTe to switch
to Leni.” Hinihikayat nito ang mga mambabasang taga Leyte na sumuporta sa isang kandidato sa pagkapangulo.
Ayon kay Verdejo (n.d), malimit isipin na ang pakikipagbarkada ay nakaka-lihis ng landas. Malimit na itong
naiuugnay sa mga masasamang gawain tulad na lamang sa pagkakalulong sa bisyo, pagiging rebelding anak,
pagiging marahas at kung ano-ano pa.
Batay sa pagsusuri, lumalabas na ang pagkakaiba-iba ng politikal na pananaw ay nakasisira sa
pakikipagkapwa-tao katulad sa pagkakaiba-iba ng sinusuporatahang politiko. Sa kabilang banda lumalabas din sa
pagsusuri na minsan ay nagkakaroon ng masamang epekto ang labis na pakikipagkapwa dahil sa may mga taong
nanghihikayat na gumawa ng masamang gawain na labis na nakaaapekto sa buhay ng tao.
Isyu Patungkol sa Diskriminasyon. Marami sa atin ang nakakaranas ng diskriminasyon, krisis, at iba pang
pangyayaring nagiging sanhi ng kawalan ng tiwala sa sarili. Hindi lang ito ang mga pangyayaring maaring
makaapekto sa buhay ng isang tao nariyan din ang mga pangyayaring kinasasangkutan ng mga taong
nanunugkulan sa gobyerno na kung saan ninanakaw nila ang kaban ng bayan na nagiging sanhi ng malaking
epekto nito sa taong bayan bagama’t hindi ang taong bayan ang gumawa labis na nakaaapekto ito sa nakararami
lalo na sa mga mahihirap.
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 107
Ang mga larawan ng internet memes na makikita ay naglalaman ng isyung politikal patungkol sa mga
diskriminasyon at ito ang mga isyung politikal na patungkol sa kaanyuan, krisis, at ang pagnanakaw ito ay ilan
lamang sa mga pangyayaring labis na nakaaapekto sa buhay ng tao at nagiging dahilan ng kawalan ng tiwala sa
sarili at sa mga taong namamahala sa gobyerno. Katulad nalamang sa ikalawang larawan na naglalaman ng
diskriminasyon sa kaanyuan sinabi ng isang netizen sa isang post “bruh I can’t stop thinking about dick Gordon
as the penguin I watch the batman HAHAHAHA so I decided to edit one HAHAHAHA.” Ayon pa nga sa Ontario
Human Rights Commission (n.d.), ang bawat tao ay may karapatang maging malaya sa diskriminasyon dahil sa
lahi at panliligalig. Hindi dapat tratuhin nang naiiba dahil sa lahi o iba pang dahilan, tulad ng iyong mga ninuno,
kulay, lugar na pinanggalingan, etnikong pinanggalingan, mamamayan, at paniniwala.
Dagdag ni Matining (2019), sa ilalalim ng Senate Bill #41 o an “Act Prohibiting Discrimination on the basis
of Sexual Oreintation or Gender Identity or Expression (SOGIE)”, bibigyan ng proteksiyon ang mga transgender
women at iba pang miyembro ng LGBT mula sa anumang uri ng pamamahiya dahil sa kanilang kasarian, tulad
na lang ng paggamit sa pampulitikong palikuran.
Batay sa pagsusuri, ang bawat tao ay may karapatan na maging malaya sa diskriminasyon at hindi dapat
tratuhin ng nang naiiba dahil sa iyong lahi o iba pang dahilan, tulad ng iyong mga ninuno, kulay, lugar na
pinanggalingan, etnikong pinanggalingan, mamamayan, at paniniwala at sinusuportahang politiko para sa
pagkapangulo. Lumabas rin sa pagsusuri na may isang batas na nagproprotekta sa bawat tao kagaya ng Senate
Bill #41 o mas kilala bilang SOGIE Bill.
Isyu patungkol sa kakayahan ng isang tao na mamuno. Sa panahon ngayon marami sa lipunan ang
madaling manghusga at hindi muna sinusubukan ang isang taong naghahangad na paglingkuran ang bayan,
bagkos ito ay pinangungunahan ng husga sa kadahilanang ito ay isang babae, artista, hindi kilalang tao, at
kakulangan ng kaalaman. Maaari namang subukan ang kakayahan ng kahit sinoman o maging ano paman ang
kanyang kasarian mapa lalaki, babae, bakla, o lesbian man.
Ang mga internet memes na makikita ay naglalaman ng isyung politikal patungkol sa kakayahan ng isang
tao o mamamayan na nagnanais na maginkod sa bayan. Lahat ng tao ay may karapatan na paglingkuran ang
sarili nitong bayan ngunit ang ibang nagnanais na maglinkod ay hinuhusagahan kaagad at hindi sinusubukan ang
kakayahan nito. Ang bawat tao ay may iba’t ibang ideya para sa pagpapalaganap ng kaayusan ng bayan mapa
lalaki, babae, artista, at mga ordinaryong mamamayan man yan. Makikita sa ikalawang larawan na naglalaman
ng mga salita tungkol sa kakayahan ng isang babae, sinabi sa larawan na “Women are too weak and emotional to
be leader.” Ayon kay Alo (2021), sa ating modernong panahon at pamumuhay ngayon, utay-utay nang nakikita
ang pakikipagsabayan ng mga kababaihan sa mga ginagawa ng kalalakihan, tumutukoy sa pagpapakita na kaya
ring gawin ng babae ang mga gingawa ng mga lalaki.
Karagdagan, ayon sa Artikulo VII, Seksyon 2 ng 1987 Konstitusyon, walang nakasaad na hindi dapat
tumakbo sa pagka-pangulo ang isang babae. Ayon sa konstitusyon, maaaring maging pangulo ang isang tao kung
maabot nito ang mga pamantayan na katulad sa likas na ipinanganak na Pilipino, rehistradong botante,
nakababasa at nakasusulat, 40 taong gulang sa araw ng halalan, at nakapanirahan sa bansa nang sampung taon
bago ang halalan.
Batay sa pagsusuri, lumalabas na walang batas na nagsasaad na lalaki lang ang maaring tumakbo sa
pagkapangulo o sa halalan. Lumabas na kapag nasunod ang mga pamantayan para sa pagtakbo ay ang lahat ay
pinahihintulutan na tumakbo sa pagkapangulo.
4. Lagom
Ang pananaliksik na ito ay pinamagatang “Pagsususri sa Daigdig ng Twitter: Isyung Politikal na
Nakapaloob sa Mga Memes.” Layunin ng pag-aaral na matukoy ang elemento ng mga twitter memes batay sa
anyo at uri, at ang matukoy ang mga isyung politikal na nakapaloob sa mga memes sa twitter. Ang mga teoryang
Asis, J. D., Cuayzon, J. B., Mabini, P., Prongo, S., & Acala, M. T.
108 Consortia Academia Publishing (A partner of Network of Professional Researchers and Educators)
naging saligan ng pag-aaral ay ang Information Manipulation Theory at ang Functional Group Communication
Theory. Ang pag-aaral ay isinagawa ayon sa disenyo ng Content Analysis, na naglalayong malaman o masuri ang
iba’t ibang memes sa twitter tungkol sa mga isyung politikal. Sa tritment ng datos gumamit ang mga
mananaliksik ng Thematic Analysis bago magsagawa ng Content Analysis.
Lumabas sa pagsusuri na may tatlong anyo ng poitikal twitter memes ito ang anyong Comic Meme,
Entertainment Function Meme, at ang Parody Meme. Batay rin sa pagsusuri may dalawang uri ng politikal
twitter memes ito ang Pasuporta at Pabatikos. Sa ikalawang layunin ng pag-aaral, lumabas sa pagsusuri na may
apat na isyung politikal na nakapaloob sa mga politikal twitter memes ito ay ang isyu patungkol sa pag-uugali ng
mga tao, pagkakaiba-iba ng politikal na pananaw, diskriminasyon at kakayahan ng isang tao.
Sa kabuuan lumalabas na ang bawat anyo ay may iba’t ibang tema katulad sa Comic Meme na may temang
paninirang puri sa kapwa, Entertainment Function Meme na may temang may kauganayan sa respeto at ang
Parody Meme na may temang pagnanakaw. Ang mga isyung nakapaloob sa politikal twitter memes ay ang ang
isyu patungkol sa pag-uugali ng mga tao, pagkakaiba-iba ng politikal na pananaw, diskriminasyon at kakayahan
ng isang tao.
5. Konklusyon at Rekomendasyon
Konklusyon - Sa natuklasang mga resulta ng pananaliksik, nakabuo ang mga mananaliksik ng sumusunod
na konklusyon:
Ang elemento ng mga politikal twitter memes ay binubuo ng tatlong anyo tulad ng Comic Character
Meme, Entertainment Function Meme, at Parody Meme at dalawang uri ng politikal twitter memes
tulad ng Pasuporta at Pabatikos.
Nakapaloob sa mga nakalap na mga politikal twitter memes ang mga isyu patungkol sa pag-uugali ng
tao, patungkol sa Pagkakaiba-iba ng politikal na pananaw, patungkol sa diskriminasyon at patungkol
sa kakayahan ng isang tao na mamuno.
Rekomendasyon - Batay sa resulta at kongklusyon ng pag-aaral, iminumungkahi ng mga mananaliksik ang
mga sumusunod:
Gumawa ng panibagong pag-aaral sa twitter na may kaugnayan sa ibang elmento na nakapaloob sa
mga internet memes. Tukuyin ang panibagong paksa na nakapaloob sa mga twitter memes maliban sa
mga isyung politikal.
Gamitin ang social media platform tulad ng twitter para sa pagtugon sa iba’t ibang usaping panlipunan
tulad ng diskriminasyon. Magsagawa ng mga programa na nakapokus sa pagpapaunlad ng gamit ng
twitter bilang repleksyon ng iba’t ibang balyus ng tao.
Iba pang Rekomendasyon:
Sa mga guro, turuan ang mga mag-aaral ng wastong paggamit ng mga social media platform katulad
sa tamang paggamit o pamamahagi ng mga impormasyon;
Sa mga magulang, gabayan ang mga anak sa paggamit ng twitter at pagsabihan kung ano ang
nararapat gawin sa paggamit nito;
Sa mga gumagamit ng twitter, suriin nang mabuti ang mga impormasyon na nakikita sa twitter at
gumamit ng mga salitang hindi makasisira ng sariling reputasyon at reputasyon ng ibang gumagamit
nito.
Pagsusuri sa daigdig ng twitter: Isyung politikal na nakapaloob sa mga memes
International Journal of Research Studies in Education 109
6. Bibliyograpiya
Ahmad, T., Alvi, A., & Ittefaq, M. (2019). The use of social media on political participation among university
students: An analysis of survey results from rural Pakistan. Sage Open, 9(3), 2158244019864484.
Akram, U., Irvine, K., Allen, S. F., Stevenson, J. C., Ellis, J. G., & Drabble, J. (2021). Internet memes related to
the COVID-19 pandemic as a potential coping mechanism for anxiety. Scientific Reports, 11(1), 1-8.
Al-Saggaf, Y., Utz, S., Lin, R. (2016). Expressing feelings on twitter and network size. Research Gate. Sinipi sa:
https://bit.ly/3IRFixu
Alo, J. (2021). Mga kababaihan sa lipunan. Stodocu. Sinipi sa: https://bit.ly/3PwH6xV
Appolethea. (2012). Repleksyon: mga sosyo-pulitikal na isyu sa lipunan. Wordpress. Sinipi sa:
https://bit.ly/3uT2C80
Arao, D. (2016). Social media at halalan. Rising sun. Sinipi sa:
https://risingsun.dannyarao.com/2016/05/19/social-media-at-halalan/
Bagares, R. (2016). Pulitika at Media. Philippines.mom-rsf. Sinipi sa:
https://philippines.mom-rsf.org/fil/konteksto/politika/
Blackmore. (2000). Impluwensya ng mga internet memes sa komunikasyong pasalita ng mga mag-aaral. Prezi.
Sinipi sa: https://prezi.com/p/bu45qcfukpc6/fil-defense/
Conaco, M. C., & Quiňones, D. M. (November, 2015). Ang antas ng politikal na pagkilos bilang epekto ng
sosyal na identidad pilipino, ng mga representasyon tungkol sa demokratikong pagkamamamayan at
pulitikal na bisa. ResaeachGate. Sinipi sa: https://bit.ly/3OiYg0W
Davison. (2012). Impluwensya ng mga internet memes sa komunikasyong pasalita ng mga mag-aaral. Prezi.
Sinipi sa: https://prezi.com/p/bu45qcfukpc6/fil-defense/
Delas Alas. (n.d). Kaso sa paninirang puri. The Asian Parent. Sinipi sa: https://bit.ly/3RCm5Um
Delos Reyes, J. (2021). Suporta. Sinipi sa: https://bit.ly/3IHRu3M
Dholakia, U. (2018). When bragging on socialmedia Can Be a Good Thing. Psychology Today. Sinipi sa:
https://bit.ly/3ATbXAN
Grainer, T. (2004). Komiks. Wikipedia. Sinipi sa: https://tl.m.wikipedia.org/wiki/Komiks
Gustafson, N. (1984). Content analysis in the history class. Taylor & Francis Online. Sinipi sa:
https://bit.ly/3PtlqTa
Hamdi, K. (2020). The difference between facebook, twitter, linkedin, youtube, & pinteres. IMPACT. Sinipi sa:
https://bit.ly/3aIfSFJ
Huang, M. (2014). Ang epekto ng pagnanakaw. Wordpress. Sinipi sa:
https://miguelhuang9g15cle.wordpress.com/2014/12/12/ang-epekto-ng-pagnanakaw/
Jento. (2016). Social media at wikang pambansa. Wordpress. Sinipi sa: https://bit.ly/3uTWXPd
Ki. (2020). Bakit mahalaga ang respeto sa kapwa at sarili. Newspaper. Sinipi sa:
https://newspaper.ph/2020/12/bakit-mahalaga-ang-respeto-sa-kapwa-at-sa-sarili-sagot/
Kien, G. (2013). Media memes and prosumerist ethics: Notes toward a theoretical examination of memetic
audience behavior. Cultural Studies? Critical Methodologies, 13(6), 554-561.
Kulkarni, K. (2017). Internet memes and politcal discurse: A Study on the impact of internet memes as a tool in
communicating political satire. Amity University Noida. Sinipi sa: https://bit.ly/3z9gMEL
Lachica, R. (n.d.). Korupsyon sanhi ng kahirapan. Studocu. Sinipi sa: https://bit.ly/3zdZt5e
Lomas, N. (2019). Voter manipulation on social media now a global problem, report finds. Sinipi sa:
https://tcrn.ch/3ILsg4D
Lomboy, J. (2021). [new school] panitikan ng pilipinas: salamin ng isyu ng lipunan. Rappler. Sinipi sa:
https://bit.ly/3cjZxrg
Maclean, F., Jones, D., Carin-Ley, G., & Hunter, H. (2013). Understanding twitter. ResearchGate. Sinipi sa:
https://bit.ly/3ATJLh9
Matanguihan, N. V. Y., Magsino, K. M., Fajanilan, N., Obrador, L. J., Noche, A, Omales, M. R., Maulion, D.,
Bitang, J. R., & De Claro, V. J. (N.d.). Epekto ng Internet Memes. Scribd. Sinipi sa:
https://bit.ly/3AUCxta
Asis, J. D., Cuayzon, J. B., Mabini, P., Prongo, S., & Acala, M. T.
110 Consortia Academia Publishing (A partner of Network of Professional Researchers and Educators)
Matinig, D. (2019). Parusa sa Diskriminasyon laban sa mga LGBT, pinalawak pa. AbanteTnt. Sinipi sa:
https://tnt.abante.com.ph/parusa-sa-diskriminasyon-laban-sa-mga-lgbt-pinalawak-pa/
Mauricio, B. (2018). Dalawang uri ng paninirang puri sa rp. Panay News. Sinipi sa: https://bit.ly/3PfraAq
McCornack, S. A. (1992). Information manipulation theory. Communications Monographs, 59(1), 1-16.
Mendoza, R., Beja, E., Venida, V., & Yap, D.B. (2012). Inequality in Democracy: Insights from an empirical
analysis of political dynasties in the 15th Philippine. Tondfonline. Sinipi sa: https://bit.ly/3zcheSJ
Milosavljević, I. (2020). The phenomnon of the internet memes as a manifestation of visual society – research of
the most common types. ResearchGate. Sinipi sa: https://bit.ly/3Py6u6n
Moussa, M. B., Benmessaoud, S., & Douai, A. (2020). Internet memes as “tactical” social action: A multimodal
critical discourse analysis approach. International Journal of Communication, 14, 21.
Muthmainnah, Aeni, N., Galal, M., Varghese, K. J., Castillo, F. D., & Ghofur, A. (2021). The Students’ Needs in
Developing EFL Materials ICT Based. Okara: Jurnal Bahasa Dan Sastra, 15(2), 235–247.
https://doi.org/10.19105/ojbs.v15i2.4679
Nault, K., & Yap, A. J. (2020). From boasting to boosting: Positive consequences for observers of high-rank
braggarts. In Academy of Management Proceedings (Vol. 2020, No. 1, p. 18647). Briarcliff Manor, NY
10510: Academy of Management.
Nieuburt, J. T. (2021). Internet memes: leaflet propaganda of the digital age. Frontiers. Sinipi sa:
https://bit.ly/3PiWNJm
Official Gazette. (n.d.). Ang ehekutibong sangay. Official Gazette. Sinipi sa: https://bit.ly/3clEgO2
Ontario Human Rights Commission. (n.d.). Freedom from Discrimination. OHRC. Sinipi sa: https://bit.ly/3c9ItnI
Palmer, J. (2018). Social media, perspective taking, and the lack of meaningful conversation. Student 4 Social
Change. Sinipi sa: https://bit.ly/3RFBDGY
Patinio, F. (2021). Certificate of candidacy filing for 2022 polls set Oct. 1-8. Philippine News Agency. Sinipi sa:
https://bit.ly/3AWdUMB
Pedroche, A. (2018). Fake News. Philstar. Sinipi sa: https://bit.ly/3RI0qKi
Roldan, M. J. (n.d.). Ano ang kawalang galang. Kayamanan de SelfHelp. Sinipi sa:
https://www.recursosdeautoayuda.com/tl/paggalang/
Salazar, A. (2009). Functional group communication theory. Edge.sagepub. Sinipi sa: https://bit.ly/3o7G1kj
Schuster, J., & Kolleck, N. (2020, October). The global diffusion of social innovations–an analysis of twitter
communication networks related to inclusive education. In Frontiers in Education (Vol. 5, p. 492010).
Frontiers Media SA.
Tovera, J.J. (2018). Satirika sa social media: analisis ng political internet meme culture sa pilipinas. Academia.
Sinipi sa: https://www.academia.edu/38562544/Satirika_sa_Social_Media
Twitter. (n.d.). Undersatanding how twitter handles offesive or explicit tweets. Twitter. Sinipi sa:
https://bit.ly/3PFhlpK
Uy, A. (2021). Philippine politics at a crossroad. The Asean Post. Sinipi sa:
https://theaseanpost.com/article/philippine-politics-crossroads
Vaismoradi, M., & Turunen, H. (2013). Content analysis and thematic analysis: implications for conducting a
qualitative descriptive study. Online Library. Sinipi sa: https://bit.ly/3RFmYLV
Vanilae. (2013). Panghuhusga. Wordpress. Sinipi sa: https://sicar.wordpress.com/2013/09/06/panghuhusga/
Vilmer, J. B., Escorcia, A., & Guillaume, M. (2018). Information manipulation: a challenge for our democracies.
Diplomatie. Sinipi sa: https://bit.ly/3yMicDH
Verdejo, L. (n.d). Ano ang masamang epekto ng pakikipagbarakada. Scribd. Sinipi sa: https://bit.ly/3oav0Po
Villalobos, A. (n.d). Ang Pagbatikos. Penpowersong. Sinipi sa:
https://penpowersong.wordpress.com/2015/05/26/ang-pagbatikos/
Waterloo, S., Susanne, E., Baugmgartne, & Valkenburg, P. (2016). Norms of online expressios of emotion:
comparing Facebook, Twitter, Instagram, and whatsapp. Sage Publication. Sinipi sa:
https://bit.ly/3AWec69
Wordpress. (2016). Ang Pag-usbong ng teknolohiya kasabay ang pagbabago ng wika. Wordpress. Sinipi sa:
https://bit.ly/3o7YIE
